Mii bargat buohkaid rievtti ovddas veadjit bures
Min bargu lea ovddidit ja doarjut servodaga barggu ovddidemiin dearvvasvuođa, eastalit skibasvuođa ja suddjet sierralágan dearvvasvuođauhkiid.
Mii bargat ráđđehusa gohččuma vuođul, muhto hárvuid min bijut čuhcet njuolga álbmogii. Dan sajis mii doaibmat ovttastuvvančuoggán go guoská dieđu ja ovttasbarggu ovdamearkka dihte guovlluiguin, eanadikkiin ja gielddaiguin, leanastivrraiguin ja beroštupmeorganisašuvnnaiguin sin barggus.
Buorre dearvvasvuohta lea deháleamos eallimis eanas olbmuide. Guhkes áigodaga lea olbmuid dearvvasvuohta buorránan Ruoŧas. Gaskamearálaš eallinahki lassána ja maid eará dearvvasvuođa mihtut mannet buoret guvlui. Obbalaččat mii veadjit buorebut, muhto earut joavkkuid gaskkan geain lea heajumus ja buoremus dearvvasvuohta orru ovdal lassáneami go unnume.
Stuora bargu midjiide lea danin vuoruhit deháleamos álbmotdearvvasvuođajearaldagaid ja veahkehit sirdit ravdii hehttehusaid mat leat vai olles álbmogis galgá leat buorre ja seammeveardásaš dearvvasvuohta.
Dá leat moadde dain álbmotdearvvasvuođajearaldagain maiguin mii bargat
Alkohola, gárrenmirkkut, gárihuvvan, duhpát ja ruhtaspealut
Dehálaš ulbmil min barggus lea unnidit duhpáha geavaheami ja ráddjet alkohóla vahágiid. Mii bargat dan lassin gárrenmirkkohis servodaga bealis sihke speallama vearrogeavaheami unnideapmái.
Psyhkalaš dearvvasvuohta ja šaddaneavttut
Mii bargat eastalemiin psyhkalaš skibasvuođa ja iešsorbmema oppa álbmogis ja bidjat erenomáš deattu mánáide ja nuoraide. Mii bargat maid sihkkarastin dihte rivttiid ja vejolašvuođaid beroškeahttá seksuálalaš sojus ja sohkabealeidentitehtas.
Seksuálalaš dearvvasvuohta
Mii ovttastahttit ja čuovvut eastalan bijuid hive ja eará seksuálalaččat njoammu dávddaid.
Fysalaš biras
Mis lea bargun áicat, eastalit ja sirdit ravdii dearvvasvuođa riskkaid birrasis.
Njoammunsuodji ja njoammu dávddat
Mis lea vástu suodjalit álbmoga njoammu dávddain ja čuovvut oppa áiggi njoammudávddaid ovdáneami nu našuvnnalaččat go riikkaidgaskasaččaid. Mii dahkat analysaid min laboratoriain ja lea válmmašvuohta dutkat iskosiid erenomáš njoammu dávddain birra jándora.
Boahkuheamit
Mii addit ávžžuhusaid ráđđehussii mat boahkuhemiid galget gullot dan našuvnnalaš boahkuhanprográmmii. Danin lea dehálaš gohcit prográmmaid mat gávdnojit vai oaidná leago dárbu rievdademiide.
Antibiohtavuostálastinnákca
Bakteriat mat leat ovddidan vuostálastinnávcca, antibiohtaide leat lassáneaddji problema. Mii ovttastahttit ja juohkit dieđu nu diksui go álbmogii maid sáhttá dahkat uhki unnideapmái. Lea maid dehálaš eastalit buhcciid njoammumiin divššus.
Oanehis diehtu Álbmotdearvvašvuođaeiseváldis
- Álbmotdearvvasvuođaeiseváldi ceggejuvvui 1.ođđajagimánu 2014.
- Doaibma dollojuvvo Solnas ja Östersunddas.
- Mis leat sullii 600 bargi.
- Eiseváldi bargá Sosiáladepardemeantta vuolážin.
Oktavuohta
Priváhtaolbmot nevvojuvvo jorgasit 1177 beallái ráđiid ja veahki oažžumii dehe lagamus dearvvasvuođaguovddážii, njoammuklinihkkii dehe boahkuhanvuostáváldimii medisiinnalaš árvvoštallama váste.
Telefovdna
E-poasta
Poastačujuhus
Folkhälsomyndigheten, 171 82 Solna
Folkhälsomyndigheten, Box 505, 831 26 Östersund
Galledančujuhusat
Nobels väg 18, Solna
Campusvägen 20, Östersund