Barggap dahkamusáj ráddidusás, valla vuorjját mijá dago åledi njuolgga álmmugij. Doajmmap ienni nåv gåk guovdátjin máhttudagáj ja aktijbarggo hárráj buojkulvissan dajvajda, lánndadikkijda ja kommuvnajda, lenastivrajda ja miellogisvuohtaorganisasjåvnåjda sijá bargon.

Buorre varresvuohta l ájnnasamos viessomin ienemusájda. Ulmutjij varresvuohta Svierigin la guhkes ájgen buoreduvvam. Gasskaviessomguhkkudahka lassán ja ietjá mihto varresvuohtaj aj manná buorre guovlluj. Tjoahkkájgessusin viessop buorebut, valla sieradusá juohkusij gaskan gejn li nievremus ja buoremus varresvuohta vuojnnet lassán gå unnu.

Midjij la danen stuorra dahkamus åvdåjdit ájnnasamos álmmukvarresvuohtaássjijt ja viehkedit gádodit hieredisájt ma gávnnuji vaj ålles álmmugin galggá buorre ja avtalágásj varresvuohta.

Muhtem álmmukvarresvuohtaássje maj

  • Alkohola, narkotihka,'dopning', tubáhka ja spieledit biednigij birra
    Ájnas ulmme mijá bargguj la unnedit tubáhka anov ja unnedit alkoholas vahágijt. Barggap vil sebrudahkaj mij la váni narkotihka- ja drogaj dagi ja unnedittjat spieledimboastoanov.
  • Psykalasj varresvuohta ja bajássjaddamvidjura
    Barggap psykalasj nievresvarresvuodav ja iesjgåddemav ålles álmmugin hieredit, ja sierraláhkáj tjalmostip mánájt ja nuorajt. Barggap aj nannodittjat avtalágásj riektájt ja máhttelisvuodajt vájku seksuálalasj tjärdda ja sjiervveidentitähtta.
  • Seksuálalasj varresvuohta
    Aktidip ja vijdábut åvdedip duostudiddje dagojt hivaj ja ietjá seksuálalasj sirdedum dávdajda.
  • Fysalasj birás
    Miján la dahkamus ájttsat, duostudit ja gádodit varresvuohtavádájt birrasin.
  • Soahpomsuodje ja såpulis dávda
    Åvdåsvásstedip álmmuga suojes såhpulis dávdajda ja ålles ájgev váksjop infeksjåvnnådávdaj åvddånimev goappátjagá rijkalattjat ja rijkajgasskasattjat. Guoradallamijt dahkap mijá laboratåvråjn ja gárvesvuohta le åhtsusijs guoradallamijt dahkat sierralágásj såhpulis dávdajda jánndura birra.
  • Gábnnjadálkudime
    Ráddidussáj oajvvadisájt vaddep makkir gábnnjadálkudime galggi gávnnut rijkalasj gábnnjadálkudimprográmmajn. Danen la ájnas váksjut prográmmajt ma gávnnuji árvustalátjit jus la dárbulasj dajt rievddadit.
  • Antibiotihkaresistänssa
    Bakteria ma li åvdedam vuosteldimfámov, resistensav, antibiotihkaj la lassániddje vuorrádis. Tjoahkkájbiedjap ja diedojt vijdedahttep goappátjagá sujtuj ja álmmugij majt máhttá dahkat nihtov unnedittjat. Ájnas la aj hieredit patienta soaboduvvi sujton.

Oanes diedo Álmmukvarresvuohtafábmudagá birra

  • Álmmukvarresvuohtafábmudahka vuododuváj ådåjakmáno 1.b. 2014.
  • Doajmma gávnnu goappátjagá Solnan ja Staaren.
  • Miján li bájkoj 500 bargge.
  • Fábmudahka le Sosiáladeparetmenta vuollásasj.

Aktavuodav válldet

Priváhttaulmutja vuoseduvvi 1177 Vårdguiden rádevaddemij ja vähkkáj jali lagámus sujttoguovdátjij, infeksjåvnnåklinijkkaj jali gábnnjadálkudimduostudahkaj medisijnalasj árvustallamij.

  • Telefåvnnå
    010-205 20 00
  • E-påvsstå
    info@folkhalsomyndigheten.se
  • Påvsstå
    Folkhälsomyndigheten, 171 82 Solna
    Folkhälsomyndigheten, 831 40 Östersund
  • Guossidibme
    Nobels väg 18, Solna
    Forskarens väg 3, Östersund