Amen čera buti sa zadatko tari vlada, ali retko amari buti uputime direktno za javnost. Umesto odova amen funkčujina sar jek tačka koja spojini ked upitanje znanje hem saradnja za na primer regionja, županija hem opštine, županijski odborja hem intresovna organizacije ko olengiri buti.

Šukar zdravlje tano naj važno ko životi za večina manuša. Utoku dugo vreme e manušengoro zdravlje ulo po šukar ki Švedska. Očekivano trajanje života bajrola hem avera mere ko zdravlje džala ko pozitivno smer. Totalt amen sa po šukar osetinamen, ali o razlike maškar o grupe soj lendže naj lošno hem okola so isi len naj šukar zdravlje ovela samo po baro a na po tikno.

Jek baro zadatko amendže tano odolese za prioritet o naj važna javne zdravstvene pitanje hem te pomožina te čida o prepreke so isi te šaj čelo stanoništvo te ovel len jek šukar hem jednako zdravlje.

Akala tane nesave taro zdravstvene pitanje sa kola amen čera buti

  • Alkohol, narkotika, doping, duhani hem kocka za pare
    Jek važno čilj za amari buti tano te smanjina o koristiba duhani hem te ograničina o štete taro alkohol. Amen čera buti isto te na ovel narkotike hem doping ko društvo hem te smanjina kockanje.
  • Psikično zdravlje hem uvjeti za rast
    Amen čera buti te sprečina psikično ne zdravlje hem samoubistvo ko čelo stanoništvo hem čhiva posebno fokus ko čhavore hem terne. Amen čera buti isto te osigurina isto pravo hem mogučnost bez obzira seksualna orjentacija hem rodni identitet.
  • Seksualno zdravlje
    Amen koordinirina hem pratina e buti protiv hiv hem avera seksualna infektivna bolestija.
  • Fizičko okruženje
    Amen isi amen zadatko te odkrijina, te sprečina hem te čida zadravstevene rizikija ko okruženje.
  • Zarazne zaštiti hem zarazna bolestija
    Amen odgovorina za stanoništvo hem olengiri zaštita protiv zarazna bolestija hem uvek pratina o razvoj za infektivna bolestija hem nacionalno hem internacionalno. Amen čera analize ko amare labratorije hem isi amen pripravnost te čera studije taro probe za posebna zarazna bolestija dive rat.
  • Vakcine
    Amen da preporuke za vladu uvezi kola vakcine valani te pripadinen ko nacionalno programi za vakcine. Odolese tano važno te pratinipe o postoječi programi te dikhelpe dali valani te promeninenpe.
  • Rezistencija ki antibiotika
    Bakterie kola razvijindže otpornost, rezistencija protiv antibiotike tano jek problemi kova barjola. Amen sastavina hem širina znanje za hem zdravstvo hem javnost uvezi so šaj te čerelpe te smanjinipe e pretnja. Važno tano isto te sprečinipe o paciijentija te na zarazinenpe ko zdravstvo.

Kratka činjenice taro telo javnog zdravstva

  • Telo javnog zdravstva formerindžape 1 januar 2014.
  • O aktivnost tano hem ki Solna hem ko Östersund.
  • Amen isi amen oko 500 zaposlime.
  • E ustanova tani pod Ministarstvom za socijalna pitanja.

Kontakt

Privatna manuša uputinenape ko 1177 Vårdguiden za savet hem pomoč jeli ko naj paše dom zdravlje, infektivno klinika jeli primanje za vakcine za medicinsko procena.

  • Telefoni
    010-205 20 00
  • E-pošta
    info@folkhalsomyndigheten.se
  • Poštanska adrese
    Folkhälsomyndigheten, 171 82 Solna
    Folkhälsomyndigheten, 831 40 Östersund
  • Poseta adresa
    Nobels väg 18, Solna
    Forskarens väg 3, Östersund