Berpirsiyariya pêşîlêgirtina belavbûna nexweşiyê bigirin

Berpirsiyariya her kesî ye ku pêşî li belavbûna nexweşiyên bi têgerîn bigire. Pêdivî ye, ku hûn bi xwe bifikirin ka hûn çawa dikarin xwe ji vê nexweşiyê dûr bixin û nehêlin kesên din, ji we vegirin.

Xwe bi derzîlêdanê biparêzin

Derzîlêdan baştirîn rê ye ku mirov xwe ji nexweşiyên gran biparêze û ji belavbûna Covid-19 dûr bixe.

Folkhälsomyndigheten (Daîreya Tenduristiya Gel a Swêdê) pêşniyar dike ku her kesê 12 salî û mezintir li dijî Covid-19 were derzîkirin.

Agahiyên derbareyê aşîlêdanê: Derbareyê aşîlêdana xwe ya li dijî Covid-19 baş e ku hûn agahdar bin.

Li ser malpera 1177.se hûn dikarin derbareyê ciyê derzîlêdanê, li ew cihê ku hûn lê dijîn, bixwînin: Mirov çawa li dijî Covid-19 tê aşîkirin (1177.se)

Li malê bin û heger hûn semtom bibînin, xwe test bikin

  • Bila haya we ji semtomên nû yên wek êşa qirikê, herikandina lîça pozî, tagirtin, kuxik an jî hesta bêhaliyê hebe.
  • Heger van semtoman an jî semtomên din ên riya nefesê bi we re hebin, hingê li malê bimînin.
  • Her wisa xwe ji bo Covid-19 test bikin. Ev, hem ji bo ew kesên ku derzî li xwe dane û hem jî kesên derzî li xwe nedane derbas dibe.
  • Bi mayîna li malê gava ku we semtom hene, hûn belavbûna Covid-19 û belavkirina şewbên din ên wekî grîp û vîrusa RS kêm dikin.
  • Neçin kar, dibistan, zarokxane û çalakiyên din û li malê bimînin gava semtomên enfeksiyona riya nefesê li ba we peyda bibe her çend we encama testa neyînî ya Covid-19  jî hebe. Ev, belavbûna nexweşiyên din kêm dike.
  • Heger ji bo nirxandina nîşanên xwe, yan jî şîretên ku hûn ê li ku derê lênêrînê bigerin we pêwîstî bi alîkariyê hebe, bo vê jimareyê telefon vekin 1177. Ev bi taybetî ji bo kesên di koma xetereyê de ne derbas dibe, ku dibe ku ji bo nexweşiyên ji bilî Covid-19, wek înfluensa jî pêwîstî bi dermankirinê bin.

Li ser malpera 1177.se agahdariyên li ser awayê testkirinê li cihê ku hûn lê dijîn hene. Zarokên ku hîn dest bi zarokxanê nekirine û yên ku di şeş mehên borî de bi Covid-19 ketine bi gelemperî ne pêwîst e ku bihêne testkirin.

Gava ku encama testa we neyînî be û hûn baş bin, vegerin

Hûn dikarin vegerin zarokxanê, dibistanê, kar û çalakiyên dema vala gava encama testa we neyînî be û hûn saxlem bin. Heger tu bi tayê ketibî, divê tu herî kêm 24 saetan bê ta mabî. Dibe ku li cem wan kesên ku demek piştî enfeksiyonê sax bûne, hin semtom li riya nefesê li cem wan mabin.

Hûn çiqas hewce ne ku li malê bimînin tişteke ferdî ye. Ji bo hinekan dibe ku ew çend roj bin, ji bo hinekên din jî bi qasî hefteyek an dirêjtir. Bi piştgiriya van şîretan, hûn bi xwe bizanin ku hûn saxlem in û dikarin vegerin çalakiyên xwe yên rojane.

Heger encama testa we ya Covid-19 erênî be, hingê şîretên din têne sepandin.

Bînin bîra xwe dibe ku rêziknameyên herêmî yên taybetî hebin ku şîretên Folkhälsomyndigheten (Daîreya Tenduristiya Giştî ya Swêdê) temam dikin.

Heger kesek di mala we de bi Covid-19 ketibe li malê bimînin

Heger kesek ku hûn pê re dijîn bi Covid-19 ketibe, pêwîst e hûn jî li malê bimînin. Wisa bikin:

  • Ji roja ku kesê di malbata we de xwe test kiriye bi heft rojan li malê bimînin. Ev hem ji bo wan kesên aşîbûyî û hem jî bo kesên aşînebûyî derbas dibe û heta ku semtomên we nebin jî. Zarokên ku dest bi zarokxanê nekirine jî divê li malê bimînin.
  • Heger semtomên we hebin, xwe li zûtirîn dem test bikin.
  • Heger semtomên we tune bin piştî pênc rojan xwe test bikin. Ew pênc roj ji roja ku testa kesê di malbata we de pozîtîf derket, tê hesibandin. Zarokên ku hîn dest bi zarokxanê nekirine ne gerek e ku xwe test bikin, lê divê li malê bimînin.
  • Heger encama testê neyînî be û semtomên we tunebin, hûn dikarin heft rojan piştî ku testa kesê di mala we de erênî bû, vegerin dibistanê, kar û çalakiyên din. Li hember semtomên nû hişyar bimînin.

Kesên ku di şeş mehên borî de bi nexweşiya Covid-19 ketine ne gerek e ku bêne testkirin an jî li malê bimînin gava kesê ku pê re dijîn bi Covid-19-ê bikevin. Lêbelê, ew hewce ne ku li malê bimînin ger nîşanên nû peyda bibin.

Pêşniyarên taybetî yên li ser xwedûrgirtinê bo kesên ku derzîlêdayî ne derbas dibin

Heger hûn salmezin bin û we derzî li xwe nexistibe zêde baldar bin daku hûn xwe û kesên din ji nexweşiyê biparêzin. Gava we çi semtom tune bin jî ev derbas dibe.

Folkhälsomyndigheten (Daîreya tendurustiya giştî ya Swêdê) şîretek giştî heye ku ew kesên mezin ku dikarin derzî bibin, lê hîn derzî li xwe nedane, divê girîngiyek taybetî bidin bo wan kesên di xetereyê de ne û bo kesên ji 70 salî mezintir in.

Hûn vê yekê ta mumkun e xwe ji wan kesan bi dûrgirtinê bikin, û bi taybetî jî, têkiliyên nêzîk bi kesên di xetereyê de ne û 70 salî û mezintir in, nekin.

Li cîhê karê xwe ji hevkaran dûr bisekinin û ji cihên qerebalix, wek konser, klûbên şevê û şahiyên mezin dûr bikevin.

Heger testa we Covid-19 erênî be, vê bikin

Heger testa we Covid-19 erênî be, li malê bimînin û rêgezên tevgerê yên bo kesên ku bi Covid-19 ketine bişopînin.

Hûn dikarin vegerin zarokanê, dibistanê, kar û çalakiyên dema vala, heger hûn ji dema destpêkirina semtoman û vir ve herî kêm heft rojan li malê mabin û van du rojên dawîn hûn bêtaketî bin û xwe saxlem hîs bikin. Dibe ku li cem wan kesên ku demek piştî nexweşiyê sax bûne hin semtom li riya nefesê li cem wan mabin.

Heger hûn bi xwe ne bawer bin ku bo semtomên xwe we pêwîstî bi lênêrînê û dermankirinê hebe, ji 1177 re telefon bikin. Di rewşeke xetere ya jiyanê de, telefonê 112 bikin.