Gaskav anodit

Gaskav anoda goappátjagá sinna ja ålggon, ja gáhtti birrasijs nákkesvuodajn.

Sierraláhkáj ájnas gå iehtjádijt iejvvi guhkep ájgev ja gå la sinna.

Bagádus la fámon gájkka aktijvuodajn ja mierkki buojkulvissan dån galga oasestit aktu, gáhttit sosiálasj gávnadimijs ietján gå lagámusáj, barggat hejmas ja gáhttit kollektijvvatrafijkas jus dån i hähttu riejssit.

www.1177.se

Åro hejman ja dagá gähttjalimev aj gå dujna li giehppis symtoma

Máná ja ållessjattuga gudi dåbddi skibádagáv galggi hejman årrot bargos, skåvlås, åvddåskåvlås ja ietjá dåjmajs. Fámon la aj jus duv symtoma li gähppada. Galga aj dahkat gähttjalimev ja gáhttit aktavuodas iehtjádij.

Barggat hejmas jus la máhttelis

Álmmukvarresvuohtafábmudahka oajvvat gájkajn gejn la máhttelisvuohta hejmas barggat. Ájnas la barggovadde åvdåsvásstádusáv válldá barggobirrasis aj häjmmabargon.

Säbrástallat váni soahpoduvvat jali soahpot iehtjádijt

Gå gávnada ulmutjijt goahtefuolkeålggolin jali lagámus oahppásijt de viertti dåjmadit vadáv binnedit soahpot iehtjádijt.

Gáhtti årrot lahkalahkkoj, gájk åvdemusát sinna. Buorre jus säbrástalá ålggon ja unnep juohkusin, ij iehtjádij igávnadit jus dujna li symtoma.

Säbrástallat unnep juohkusin, gáhttit lahka aktavuodajs

Vádá oadtjot covid-19:av, ja soahpdit iehtjádijt, lassán dadi ienep ulmutjij gávnada. Ráddji ietjat lahka aktavuodajt gå val säbrástalá gej åro jali ájnnegasj rádnaj jali lagámusáj hejma ålggolin.

Säbrástallat ålgon jus la máhttelis, ja stuorámus gaskav anodit gå máhttelis.

Gabnnajdálkudimev ane gå fáladuvá

Gabnnjadálkudibme binnet vádáv tjavgga skihppat jali jábmet covid-19:is. Gájka gudi li ållim 18 jage fáladuvvi gabnnjadálkkasav. Planim la aj fállat 16-17 jagágijda gábnnjadálkkasav.

Álmmukvarresvuohtafábmudagá webbabielen gávnnu diededibme gabnnjadálkudime birra. Iesjmiedogis la gabnnjadalkkasav válldet valla Álmmukvarresvuohtafábmudahka oajvvat duv gut máhtá, gabnnjadálkudimev válldet. Lågå 1177.se gåktu gabnnjadálkudibme organiseriduvvá jur gånnå dån åro.

Riejssi váni soaboduvvat jali soahpot iehtjádijt

Viertti riejssit nåvti vaj binnet soahpom vádáv. Vállji ienni vádtset, duolmmot jali bijlajn mannat dan sadjáj gå riejssit kollektijvvatrafijkajn gånnå ij maná sajev diŋŋgot.

Jus riejssi guhkebut ja gávnada ådå ulmutjijt, huomaha gaskav anodit ja säbrástallat ienni ålggon.

Viertti aj plánit ietjat sieradittjat räjssogietjen jali häjmmat mannat dan láhkáj vaj gáhttida aktavuodav ietjá ulmutjij jus oattjo covid-19 symtomajt.

Jus riejssi ietjá rijkajda de viertti diededimijt åttjudit soahpom vádá hárráj rijkan gånna la ja makkir njuolgadusá ja ráddjidime li fámon sajen ja gå häjmmaj boadá.

Basá álu giedajt

Soahpomábnnasa álkket dähppu giedajda. Oabblu gå buojkulvissan giedajn buorástahtá. Danen basá giedajt álu sájbujn ja liegga tjátjijn, binnemusát 20 sekunda.

Basá agev giedajt gå

  • häjmmaj boadá jali gå bargguj boadá
  • ålgon la årrum
  • biebmo åvddåla
  • biebbmogiehtadallamin
  • hivsikmano maŋŋela

Giehtasprijtta (jali vuosstájvásste giehtadesinfeksjåvnnånävvo) lisj dávk alternatijvva gå ij la máhttelis giedajt bassat.

Dån galga aj gáhttit tjalmijt, njunjev ja njálmev duohtadit gáhttitjit soahpomabnnasa bessi duv tsuottsajda. Ájnas la aj gåssåt ja gassnet giehtagávan jali páhpernjunnjesagárdagán.

Dåmada agev nåv ahte dån i soaboduvá ja iehtjádijt i soaboda

Suoddjitjit ietjat ja iehtjádijt covid-19 oabblomij de dån la välggogis dahkat majt máhtá. Dån galga iesj ájádallat gåktu gáhtti soahpoduvvat, gåktu galga gaskav anodit ja gåktu gáhtti iehtjádijt soahpodit. Dån galga huvsulasjvuodav vuosedit guojmmeulmutjijda. Ájnnasamos la aktavuodajn ulmutjijda vádájuohkusijn.

Lågå ienebuv

Om covid-19, vaccination och testning på olika språk