Suddje iežat ja earáid - rávvemat COVID-19 birra
Skydda dig själv och andra – rekommendationer om covid-19 på nordsamiska.
Dá lea čoahkkáigeassu das maid galggat dahkat suddjet iežat ja earáid COVID-19 vuostá.
Váldde ovddasvástádusa suddjet iežat ja earáid hehttet vai njoammun ii leava
Buohkain lea ovddasvástádus suddjet iežaset ja earáid COVID-19 leavvama vuostá.
Suddje iežas boahkuhemiin
Boahkuheapmi lea buoremus vuohki vai ii šatta duođalaš buohcci COVID-19 geažil.
Ruoŧa álbmotdearvvašvuođaeiseválddit rávvejit buohkaid badjel 50 jagi boahkuhit iežaset covid-19 vuostá. Mii rávvet maiddái buot olbmuid badjel 18 jagi boahkuhit iežaset jus sii gullet duođalaš covid-19 riskajovkui.
Man galle dosa du rávvejit váldit, lea dan duohken man boaris don leat ja gulat
go riskajovkui.
Boahkuid sáhttet nai oažžut olbmot gaskal 18 ja 49 jagi, vaikko sii eai leat oassin min rávvemiin váldit boahkuheami COVID-19 vuostá.
1177.Se čujuhusas sáhtát lohkat eambbo movt boahkuheapmi lea organiserejuvvon juste doppe gos don orut.
Movt boahkuhuvvot COVID-19 vuostá (1177.se)
Lea hui hárve ahte dearvvaš mánát ja nuorat duođalaččat buohccájit covid-19 geažil. Olbmuide vuollel 18 jagi sáhttá rávvejuvvot COVID-19 boahkuheapmi ovttasráđiid divššodeaddji doaktáriin jus sis lea dávda, dilálašvuohta dahje diagnosa mainna sáhttet hui buohccit šaddat vuoiŋŋahatinfekšuvnnaid geažil, ovdamearkka dihte jus sis lea sakka hedjonan vuostálastinnákca dávddaid vuostá.