icons

Inker distanso

Inker distanso karing kaver zene vi andre ando kher aj vi avri kana san, le tu sama kana si but manush kaj ciden pe.

Rekommendatcija si pe sa le cidinemata aj godo si sar eksemplo ke te zas korkoro kana zas aj kines xabe, te naj zas pe socialne cidinemata manushensa kaj ci zanes len, buchi te keres khere aj te na trades po kollektivno trafiko te na avela mushaj.

Besh khere aj le o testo vi te si tut kovle symtomori

Glati aj phure manush kaj acharen pe nasvale trubon te beshen khere khatar e buchi, skola, angluni skola aj kaver aktivitetori. Vi te si le symtomori kovle. Tu trubos vi te les o testo aj te na malados kavre manushensa.

Buchi kheral

Folkhälsomyndigheten tel rekommendatcija ke svako zeno te kerel buchi kheral. Trubos te des duma karing ciro serotno te si jekh chansa te shaj keres buchi kheral. Vazno si ke o serotno lel obligatcija pa e buchiako klimato vi kheral.

Dikhen tumen ferdi uni zene, le sama te na aven pra pashe

E chansa te les covid-19, aj te nasvaren kaver zene, butol kana but zene dikhen pe. Malado ferdi zenensa kaj beshes lensa vaj uni paratori, le tusa sama aj na phirav tut kaj kaver zene.

Dikhen tume avri te zala pe, aj inker zoralo distanso maskar jekh kavreste.

Le vaccinatcija kana si tut chansa

Vaccinatcija maj xansol te kerdos zorales nasvalo vaj te meres ando covid-19. Svako zeno kaj si 18 bershengo si te avel len chansa te len vaccino. Po Folkhälsomyndighetens webrig si informatcija pa vaccinatcija. Naj mushaj te les vaccino numa o Folkhälsomyndigheten kerel rekommendatcija tu kaj shaj, te phenes ei kaj vaccino. Po 1177.se biris te gines pa o vaccinatcija si lashardo khote kaj tu beshes.

Xalav le vast butivar

O nasvalos vushoro astardol pe le vast. Vushoro si te pheres varikaj kana aspas variso. Xalav le vast butivar ando sapoj aj tato paj, o maj xanci si 20 sekundori.

Xalav le vast kana

  • kana aves khere vaj kana arises kaj ciri buchi
  • kana sanas avri
  • angla so xas
  • kana lashares xabe
  • kana sanas pe toaletta.

Vastesko sprito (vaj kaver vastesko desinfektcijako drab) shaj avel jekh alternativo kana ci biris te xalaves le vast ando paj aj sapoj.

Trubos vi te les tut sama te na asbas le jakha, nakh aj muj te na avel o nasvalimos andre ando stato. Vazno si te des cik vaj kana xasas ando vast vaj ande hirtija.

Le sama te na pheres kavren

Tute si obligatcija te keres sa te les tu sama te na nasvaos aj te na pheres kavren po o nasvalimos covid-19. Tu trubos te des tu gindo sar te na les o nasvalimos, sar te inkeres distanso aj sar te na pheres kavren. Tu trubos te sikhaves paciv karing le manushen. Maj vazno pa le manush kaj si andre ande risk gruppa.