Le tut sama aj le sama pala kaver zene- rekommendatcija pa covid-19

Le obligatcija sar te les tut sama aj kaver zene te na pherdon ando nasvalimos

Kaj svako zeno si len obligatcija te len pe sama numa vi te na pherdon kaver zene po covid-19.

Le e vaccinatcija

Maj mishto si te les e vaccinatcija te na kamesa te nasvavos zorales ando covid-19.

Rekommendatcija khatar Folkhälsomyndigheten si ke svako zeno kaj si 50 bershengo aj maj phure te len e vaccinatcija karing covid-19. Ame das rekommendatcija vi manush kaj si 18 bershengo maj maj phure te len e vaccinatcija te si ande gruppa pe riska karing covid-19.

Sodivar te les e suv maladol pe pala e rekommendatcija pala chire bersh aj te san ande riska.

Vaccina si vi pe manush kaj si 18 zi kaj 49 bershenge vi te na avena andre ande amaro rekommendatcija pa vaccinatcija karing covid-19.

Po webbrig 1177.se shaj gines maj dur pa vaccinatcija khote kaj tu beshes.

Gado trubos te keres kana les e vaccinatcija karing covid-19 (1177.se)

Naj bari chansa karing saste glati aj ternimata te kerdon zorales nasvale ando covid-19. Manush kaj inke chi pherele 18 bershenge si rekommendatcija te len e vaccinatcija karing covid-19 ando divano khatar pengo doktoro te si len jekh nasvalimos, vaj diagnoso kaj kerel len maj nasvale sar infektcija po lufto, var sar eksemplo te si lengo immuno defjal kovlo.