Utnieh gåhkoem jïh aellieh årroeh gusnie jïjnjh almetjh

Utnieh gåhkoem mubpide dovne gåetiej sisnie jïh ålkone, jïh aellieh årroeh gusnie jïjnjh almetjh.

Sjïere vihkeles gosse mubpieh guhkiem råahkh jïh gosse dijjieh gåetien sisnie.

Aellieh sijjine årroeh goh vuesiehtimmieh bovresne, åesiestimmiejarngesne jïh

kollektijvevalkesinie vuelkieh jis jïjnjh almetjh desnie.

Årroeh gåetesne jïh teestem vaeltieh jïlhts dov leah lijnies vaejvieh

Maanah jïh geerve almetjh gïeh skïemtjes demtieh edtjieh gåetesne årrodh barkoste, skuvleste, aarhskuvleste jïh jeatjah darjoemistie. Daate faamosne aaj jis dov lijnies vaejvieh. Datne edtjh aaj teestem vaeltedh jïh aellieh mubpide gaavnedh.

Datne maahtah vielie lohkedh mah faamosne gusnie datne årrominie 1177.se:sne.

www.1177.se

Barkh gåetesne jis maahtah

Folkhälsomyndigheten raereste gaajhkh gïeh maehtieh edtjieh gåetesne barkedh. Soptsestellieh dov barkoevedtiejinie nuepiej bïjre gåetesne barkedh. Dïhte vihkeles barkoevedtije dïedtem vaalta barkoebyjresen åvteste aaj gosse gåetesne barkh.

Aellieh laanesth vuj laanestamme sjïdth gosse gaavnesjidie

Gosse jeatjah almetjh råakh enn dejtie dov lïhkemes gaskesidie byörh geehtedidh guktie laanestimmiem gaertjedh.

Höölth gåhkoem mubpide, aaj gåetien sisnie. Årroeh ålkone jïh unnebe tjïertine, aellieh mubpide råakh jis dov symptomh.

Vaksineerh datnem gosse faalenassem åadtjoeh

Vaksinasjovne vaahram vaenede guktie covid 19:ste itjmies skïemtjedidh vuj jaemedh. Dïhte aaj laanestimmiem gaertjede. Gaajhkh båarasåbpoe 18 jaepeste åadtjoeh vaksinasjovne-faalenassem. Aaj soejkesje noeride 16-17 jaepien båeries vaksijnem faala.

Folkhälsomyndigheten webbesijjesne bïevnesh gååvnesieh vaksinasjovnen bïjre. Dïhte jïjtjevyljehke jis sïjhth vaksineeredh mohte Folkhälsomyndigheten raereste datne gie maahtah, edtjh vaksinasjovnese jååhkesjidh. 1177.se:sne maahtah lohkedh guktie vaksinasjovnem öörnie gusnie datne årroeh.

Vuelkieh guktie ih laanesth vuj laanestamme sjïdth

Datne byörh vuelkedh guktie laanestimmievaahram vaeniedidh. Veeljh jis maahtah vaedtsedh, sygkeldidh vuj bïjlem vuejedh sijjeste kollektijvevalkesinie vuelkedh gusnie ih maehtieh sijjiem dængkodh.

Jis guhkebe vualkah jïh orre almetjh desnie råakh, ussjedh gåhkoem hööltedh jïh ålkone gaavnesjidh.

Datne aaj byörh soejkesjidh guktie maahtah oktegh desnie årrodh vuj gåatan vuelkedh vuekine gosse ih laanestimmiem geerjehth jis covid-19:n symptomh åadtjoeh.

Jis mubpide laantide vualkah tjoerh daejredh jis laanestimmie dennie laantesne jïh mah njoelkedassh jïh restriksjovne desnie faamosne jïh gosse gåatan båatah.

Bïssh gïetide daamtaj

Laanestimmieïebnh aelhkieslaakan gïetide dabranieh. Dah maehtieh vijrebe geerjehtidh gosse datne vuesiehtimmien gaavhtan gïetine buarastahtah. Bïssh dan gaavhtan gïetide daamtaj jïh veelelaakan tjoeline jïh baahkes tjaetsine, unnemes 20 sekundh.

Bïssh gïetide eejnegen gosse datne:

  • gåatan båatah vuj gosse dov barkose båatah
  • ålkone orreme
  • beapmoej åvtelen
  • beapmoem gïetedh
  • onnegåetesne orreme

Gïetesprïjhte (vuj seammaleejns gïetedesinfeksjovne) maahta alternatijve årrodh jis ih maehtieh gïetide bïssedh.

Aellieh tjelmide, njueniem jïh njaelmiem doehtehth guktie ij suetie dov njevlieskïelti gåajkoe båetieh. Dïhte aaj vihkeles gossehtidh jïh gesniestidh gïetegaavese vuj paehperenjaamelijnesne.

Dåemedh eejnegen laanestimmievihties

Datne tjoerh darjodh maam maahtah darjodh guktie datnem jïh mubpide covid-19:n geerjehtimmien vööste. Datne edtjh jïjtje ussjedidh guktie maahtah dåemiedidh guktie ih sjïdth laanestidh, guktie gåhkoem höölth jïh guktie maahtah dåemiedidh guktie ih mubpide laanesth. Datne edtjh mubpide krööhkestidh. Sjïere vihkeles almetjidie vaahradåehkine.

Lohkh vielie

Covid-19:n bïjre, vaksinasjovne, teesteme jïh feelemh ovmessie gïeline