Vaarjelh datnem jïh mubpide suetiem geerjehtidh

Årroeh gåetesne jis skïemtjedh

Årroeh gåetesne barkoste jallh skuvleste jis skïemtjedh jïh sovhtine, gossehts jallh vaejliem åtnah. Dellie vaahresne mubpide geerjehtidh. Daate aaj jis ih leah ålvas skïemtjes.

Årroeh gåetesne dan guhkiem datne skïemtjes. Jis vïerrebe sjædta jïh ih bïerkenh jïjtjehoksine gåetesne maahtah 1177 rïngkedh skïemtjehokseraeriej gaavhtan (sveerjen- jallh englaantengïelesne).

Vuertieh unnemes göökte dygnh mænngan starnih åvteli bååstide barkose jallh skuvlese vualkah.

Voeresh stuerebe vaahresne skïemtjedieh jïh joekoen vaejvieh åadtjoeh. Dïhte dan gaavhtan vihkeles ij dej luvnie guessine årrodh skïemtjegåetesne jïh voeresegåetine. Datne gie voeresehoksesne barkh ih edtjh barkose vuelkedh jis sovhtine jallh gossehth.

Vueptesth covid-19:n symtovmide

Covid-19 skïemtjelassen symtovmh leah evtemes vaejlie jïh gossehtahke. Aaj hïeteme, tjeapohke saejrede, åejjieh saejriedieh, åedtjie- jïh lïhtsevearhke aaj daamhtaj maahtah damtedh. Jeenjemesh åadtjoeh lijnies vaejvieh mejstie buarenh. Naakenh åadtjoeh joekoen vaejvieh vuesiehtimmieh hïeteme jïh gåblojste. Jis naan dejstie symtovmh damth aellieh mubpieh dïervesjh.

Bïssh gïetide

Dah ïebnh mah vijrusem geerjehtieh leah dan soe suetiedihks jïh aelhkieslaakan gïetide dabranieh. Dah vïjrebe geerjehtieh jis naakenen gïetem vaaltah. Bïssh dan gaavhtan gïetede tjoeline jïh baahkes tjaetsine unnemes 20 sekundh.

Bïssh eejnegen gïetide gosse gåatan båatah jallh dov barkose båatah, åvteli byöpmedh, jis beapmoeh gïetedh jïh mænngan ohtjegåetesne orreme. Gïetesprïjhte hijven jis ih maehtieh tjaetsine bïssedh.

Gossehth jïh gesnesth gïete-gaavese

Gosse gossehth jïh gesnesth ohtje trahpetjh geerjehtieh laanestamme ïebnigujmie mah maehtieh vijrusem geerjehtidh. Jis gossehth jïh gesnesth gïete-gaavese jallh paehpere-njaamelæjnan datne suetiem heerh geerjehte dov lïhkesvoetese jallh dov gïetide. Sleengkh eejnegen paehpere-njaamelijniem tsumhtsiekåarjese jïh bïssh gïetide.

Aellieh tjelmide, njueniem jïh njaelmiem doehtehth

Suetie geerjehte tjelmiej, njuenien jïh njaelmien njevlieskïelti mietie. Aellieh tjelmide, njueniem jïh njaelmiem doehtehth.

Gïetesprïjhte

Jis ij tjoele jïh tjaetsie gååvnesh, maahtah gïetesprïjhtem nuhtjedh man unnemes 60 prosenth alkohovline.