Ame keras buči mit misi katar o regeriungo, ferdi amare bučia či dičon butivar e narodoske ke či boldas ame butivar direktno e narodoske. Ame keras buči maj butivar sar jek kidimasko tan kaj o žanglimos haj ketanimos keren buči ketanes sar eksemplo regioni, landsting haj komuni, länsstyrelse haj intreseorganizatsi ande lenge bučia.

Lašo saščimos si o maj važno bajo manušenge ande lengo trajo. Tela jek lungo vrama kerdžilas e manušengo saščimos maj lašo ando Švedo. Maj but berš train e manuš haj vi lengo saščimos si maj zuralo, ferdi e diferensia maškar e grupi kaj si maj nasvale haj kodja so si maj saste barol maškar e grupi sar te tsinjol.

Jek bari buči amenge si anda kodja te keras prioritatsia e maj važne saščimaske pušimata maškar e manuš (folkhälsofrågorna) haj te malavas tele kodja doša kaj keren nasulimos ande e manušengo saščimos te avel jek sa kasavo lašo drom savorenge ande saščimaske pušimata.

Kadal si uni anda e saščimaske pušimata maškar e manuš so ame keras buči

  • Alkoholo, narkotika, dopingo, tobako haj hazardo pe love
    Jek važno tselo ande amari buči si te keras te tsiniol e buči mit tobako haj te malavas tele o dukaimos katar o alkoholo. Keras vi buči mit kodja te na avel narkotika haj dopingo ando tem haj te tsinjaras o nasvalimos po hazardo.
  • Psihično saščimos haj barimaske konditsi
    Ame keras buči te malavas tele psihično nasvalimos haj te na len penge trajura e manuš, haj šuvas spetsialno fokus pe glati haj terne. Keras vi buči te aven e manušen sa kodja čačimata haj šaimata haj si te avel sajek savo seksualno dikimos jekes si, haj seksualno identiteto.
  • Seksualno saščimos
    Inkras ando vast haj dikas perdal e bučia so si karing hiv haj kaver seksualne nasvalimata haj peren kaveren.
  • Fizično envaramento (miljö)
    Ande amari misiaki buči si amen kodja te las sama, malavas tele haj te keras te na aven saščimaske rizikura ande envaramento.
  • Protektsia karing nasvalimata kaj peren haj nasvalimata kaj peren kaveren
    Ame inkras responsebilita te avel o narodo sasto haj avel protektsia karing nasvalimata kaj peren (smittar) haj inkras amen intrego vrama ande buči kaj dikas sar infektsiake nasvalimata žan natsionalnno haj internatsionalno. Ame keras analizi ande amare laboratori haj birisaras te keras diferentne rodimata ande prubi pe specialne nasvalimata kaj peren manušen 24 časura sako djes.
  • Vaksinatsi
    Ame das rekomentasi kaj o regeriungo save vaksinatsi trobun te aven andre ande natsionalne vaksinatsiake programura. Anda kodja si važno te lišij pe kodjal programura kaj aba si haj te dikel pe vaj trobuj varisave paruimata pe kodja.
  • Antibiotikako resistanso
    Bakteri kaj vazde peske zor, resistanso, karing antibiotika si jek baro problemo kaj bariol. Ame dikas perdal kado haj das maj dur žanglimos vi kaj e bolnitsi haj vi kaj e privatne manuš pa bučia so biril pe te kerel pe te malavel pe kado tele. Važno si te malavel pe kado tele te perdžon patsientura ande žutimaske tana (vården).

Skurto fakta pa Folkälsomindigheten

  • Folkälsomindigheten arakadžilas 1 januari 2014.
  • E buči si inkerdi ande Solna haj ande Östersund.
  • Amen si karing 500 bučiara.
  • Amari temeski organizatsia si tela Socialdepartementet.

Kontakto

Privatne manuš šaj len kontakto mit 1177 Vårdguiden te trobuj informatsia haj žutimos vaj kaj o maj paše vårdcentralo, infektsiaki klinika vaj vaksinatsiako tan pe jek medicinako dikimos.

  • Telefono
    010-205 20 00
  • E-mail
    info@folkhalsomyndigheten.se
  • Počtako adreso
    Folkhälsomyndigheten, 171 82 Solna
    Folkhälsomyndigheten, Box 505, 831 26 Östersund
  • Dikimaski adresa
    Nobels väg 18, Solna
    Forskarens väg 3, Östersund